Pinngitsaaleeriaraluarnerit marluk nalunaarutigineqarput
Paamiuni niviarsiaq 15-inik ukiulik, politiinut saaffiginnippoq, 14-inik ukioqarallarami kammalaatimini tukkutilluni kammalaatimi ataataata iserfigisimagaani pinngitsaaleriaraluarlunilu. Angut eqqartuussisunut ullumi sassartinneqassaaq.
Qaanaami aamma niviarsiaqqamik 13-inik ukiulimmik pinngitsaaleeriartoqarpoq. Inuusuttut erngunneranni 13-inik ukiulik angummit pinngitsaaleriaraluarneqarsimavoq. Angut sapaatip-akunnerani ataatsimini tigummigallarneqarpoq.
Sinerissami tamangajammi angerlarsimaffinni aqqusinernilu eqqissiviilliornerit arlalissuit politiinit ornittariaqarsimapput. Pingaartumik sapaatip-akunnerata naanera aningaasarsiffiup akileraarutaasimasunillu utertoornerup kingorna ernguffiusimavoq.
Narsami, Nuummi, Aasianni, Ilulissani Tasiilami meeqqat angajoqqaaminnit ernguttunit qimanneqarsimasut, inunnik isumaginnittoqarfimmit akuliuffigineqartariaqarsimapput.
