Pinnersuuneq ilaatigut ajoqutaannaavoq
Angutit suliannaavinut arnat suliffissarsiortut pinnernertik iluaqutigineq ajorpaat. University of Colorado Denver Business School-ip misissuinerisa ersersippaat, arnat pinnersut suliffissarsiorlutik oqaloqatiginnittut kinaassusersiorfigineqartartut aamma suliffiup qanoq ittuunissaanik soqutigisaqanngitsut akornanni.
Soorlu suliffinni truckinik ingerlatsisutut, parnaarussivinni nakkutilliisutut, sanaartornermi sulialittut aamma ingeniøritut suliffissarsiornerminni qulangiataaginnarneqartarput.
Sulianulli allanut suliffissarsiornerni pinnissuseq ajoqutaaneq ajortoq misissuinerit allat ersersippaat, tamannalu arnat pinnersut nuannaarutigiinnarsinnaavaat.