Piniartut unnerluutigineqartut
Piniartut nunatsinni qimmiminnik paarsinerluttutut
Ilulissani uumasut nakorsaannit Marit Holmimit unnerluutigineqarput.
- Uumasunik naalliutsitsisarneq siammarsimavoq, tamannalu allanngortinniartariaqarpoq qimmit qimuttut pitsaanerusumik atugaqalernissaannut, Marit Holm Sermitsiamut oqarpoq.
Uumasut nakorsaat Norgemi qimminik qimuttunik suliaqartareersimavoq, qimuttullut Kalaallit Nunaannut naleqqiullugit ajunnginnerusumik atugaqarput.
- Qimmerpassuit nerisinnikinneqarpallaarlutillu imertinneqarpiarneq ajorput, pingaartumik aasakkut, Marit Holm oqarpoq.
Uumasut nakorsaata sinerissami qimmeqarfiit arlallit takusarsimavai, tupaallannartartutullu qimmit qanoq atugaqarneri oqaluttuarai.
Qimminik naalliutsitsisarnermut tunngatillugu Ilulissat politiivi ukioq kingulleq 15-nik suliaqarsimapput.