Piniartut tunineqanerat isumaqatiginngilaat

Pingaartumik isorliunerusuni piniartut Naalakkersuisunit Inatsisartunillu juullilernerani immikkut aningaasaliiffiginissaannik qinnuteqaataat aningaasaqarnermut ataatsimiititaliaanni amerlanerussuteqartunit ippassaq akuerineqartoq demokraatinit akuerineqarsimanngilaq.

Aningaasat katillutik 3,2 millionit akuersissutigineqarput, taamalu piniartut 647-t tamarmik immikkut 5000 kronenik tunineqartussaassallutik. Demokraatit siulittaasuata tullia, Palle Christiansen, oqarpoq ilaartuiniaannarnerit piunnaarlugit ungasinnerusoq isigalugu politikkeqalernissaq pissutigalugu aningaasaliiniarnermut demokraatit akerliusut, partiilli akuersisut taamaaliornissaq saperaat,

aamma KNAPK-p aningaasanik agguaassisussaanera demokraatinit isorineqartoq.

Aningaasammi KNAPK-mut tunniutiinnarneqarput, qanormi atorneqarnerat taamaalilluta nakkutigisinnaanngilarput, demokraatit siulittaasuata tullia, Palle Christiansen oqarpoq.