KNAPK-p Qaanaami immikkoortortaqarfiata, KNAPP-p, siulittaasua Mads Ole Kristiansen Assi: Privatfoto

Piniartut siulittaasuat: Pisassiisarnerup kulturerput nungulluinnalermagu iliuuseqartariaqarpugut

Qaanaami piniartut 30-t missaanniittut sapaatit akunnerata siuliani isumasioqatigiikkamik taama oqariartuuteqarput. Tassanilu piniatutut inuuneq piniagassallu killilersorneqarnerat piniartullu ileqqutoqaat ilaatigut oqallisigaat.

Piniartutullu inuunerup oqaluuserineqarnerani pisassiissutit immikkut oqallisigisassaasut, KNAPK-p Qaanaami immikkoortortaqarfiata, KNAPP-p, siulittaasua, Mads Ole Kristiansen isumaqarpoq.

Qaanaami piniartut 30-t missaanniittut piniartut atugaat periarfissaallu oqallisigaat. Oqallinnermi piniarnermi ileqqutoqqat eqqartorneqangaatsiarpoq, killilersuinerullu kingunerisaanik ileqqutoqqat tammaqqajaalersut, piniartut isumaqarput.

Qaanaami piniartut piniagassatik namminneerlutik ukiumiit ukiumut aalajangersorsinnaasariaqaraat, KNAPP-p siulittaasuat Mads Ole Kristiansen isumaqarpoq.

Ileqqutoqqanik attasserusunneq

Piniartut namminneerlutik piniagassanik aqutsinissaminnik kissateqarnerat, ileqqutoqqanik attassiinnarusunnermik aallaaveqartoq:

- Piniartoq perorsarneqarsimagami piniagaq sunaluunniit nunaqqatigiit imaluunniit inoqatigiit kikkulluunniit iluaqutissarigaat. Taannalu pisassiissutinik killilersuinerullu atorunnaariartortilerpaat, Mads Ole Kristiansen KNR-imut oqarpoq.

AAMMA ATUARUK Qaanaami piniartut imminut tatiginerulernissamut pikkorissartut

Mads Ole Kristiansenip oqarnera naapertorlugu qilalukkat nungukkiartorneqarnerartut akerliani ukiut tamaasa amerleriarsimallutik takkuteqqittarput.

Qilalukkat ikiliartuleqqunagit pisassiisoqartarpoq. Piniartulli siulittaasuata oqarnera naapertorlugu, pisassiisanngikkaluarluni nungutsaaliuisoqarsinnaavoq.

- Piniartoq kinaluunniit ilinniartinneqarsimavoq, piniartunik nungusaaniaalunni piniartoqassanngitsoq, tamanna uagut piniartut anersaarigatsigu taamaammat nammineerluta taakku pisassiissutit aqussinnaavagut. Qanorilinera malittareqqissaarlugu ullut ukiullu tamaqqissaasa piniakkagut malittaralugit ingerlaartuartaratta, pissutsit nalunnginnatsigit isigigatsigit, Mads Ole Kristiansen oqarpoq.

AAMMA ATUARUK Issittumi Sakkutooqarfiup piniartunik akornusersuineq ajuusaarutigigaa

Piniartut isumasioqatigiinnerminni quppernerit arfineq pingasut siunnersuutinik piniakkanut piniartunullu tunngasut allaaserai, taakku Naalakkersuisunut Avannaatalu Kommunianut ingerlateqqinneqassapput.

KNR-ip piniarnermut naalakkersuisoq, Jens Immanuelsen attaveqarfigaa. Taanna kissaatit qanoq piviusorsiortiginersut aperaarput, kissaatilli atuaqqaartinnagit taanna oqaaseqarusunngilaq.

 

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat