Piniartut silap allanngoriartornera malillugu naleqqussallaqqissuupput

Piniartut amerlanerpaat sikuusarnera annikilligaluartoq ajunngivissumik ingerlapput. Taakkuami pissutsinut nutaanut naleqqussarput qimusserlunilu angalaneq umiatsiamik angalanermik taarserlugu. Taama oqarpoq Rasmus Ole Rasmussen, piniartunik aalisartunillu apersuisimasoq.

Misissuinermi paasinarsivoq piniartutut nalunaarsorneqarsimasunit 2.600-t missaanniittunit taamaallaat 50-iniit 100-nut sikuusarnerata annikillinera pissutigalugu ilungersunartumik ajornartorsiuteqartut. Taakkua tassaanerupput piniartut utoqqaat qimussernermik qangatullu piniartarnermik suli aalajangiussisimasut, Rasmus Ole Rasmussen oqaluttuarpoq. Sikuusarnerata allanngoriartornera naammagittaalliuutit ilagisarpaat, tamannalumi paasinarpoq, tassa qangaanisulli sikumi angalaarsinnaajunnaartoqarmat.

Akerlianilli annikinnerusumik sikuusalernerata aamma kinguneraa umiatsiamik angalasinnaalerneq, tamannalu kinguaariit inuusunnerusut annertunerujussuarmik ingerlatilersimagaat takusinnaavarput, tassalu qangaaniilli aalisartarnermiit atortunik nutaalianik, soorlu umiatsianik atuinerulersimammata.

Qangaaniilli piniutit ilaat tassaanerarnerai qimusserluni piniarneq, akivoq, aap, qamutimmi atortuupput sikumi angallatissatut tupinnaannartumik ineriartortinneqarsimasut, sikueruppallu taava periarfissanik allanik nassaarsiortoqarsinnaavoq. Assersuutigalugu, umiatsianik sukkanerusunik elektronikkilu atorlugu atortulersukkanik sukkanerusumik angalaartoqarsinnaavoq, taamaalillunilu piniakkat sumiinnersut ujarnissaat nammineerluni aalajangerneqarsinnaalluni.