Assi: Foto: Arktisk Kommando

Piniartut sikkussaaqqasut ikiorneqartut

Umiatsiat tallimat Attup eqqaani, nunamit 15-20 sømilit missaannik ungasitsigisumi, sapaatiummat sikkussaammata pissanganartorsiorfiuleraluarpoq.

Issittumi Sakkutooqarfik Facebookimi ullumikkut taama allaaserisaqarpoq.

Annaassiniartoqarnissaa pinngitsoortikkumallugu, umiarsuaq alapernaarsuut Knud Rasmussen umiatsianut tallimanik inuttaqartunut aallartinneqassasoq sapaatiummat ualikkut aalajangiunneqarpoq.

Knud Rasmussen anngummat umiatsianiittut tamarmik ajunngillat, umiatsiallu umiarsuup ingerlavigisaatigut aallaqqaammut malinnaasinniarneqaraluarput.

Sikkussaapallappulli, umiatsiallu tallimaasut umiarsuarmut qaqinneqassasut aalajangiunneqarpoq.

Umiatsiat qaqinneqareermata Knud Rasmussen Attup tungaanut aallarpoq, umiatsiallu niuneqarput piniartullu ajoratik angerlarsinnaanngorput.

Issittumi Sakkutooqarfiup aamma erseqqissaatigaa piniartut aallannginnerminni piareersaatigisassatik tamaasa eqqaamasimagaat.

VHF radionik, qummoroortitsissutinik kiisalu tupernik taqussanillu nassarput, Issittumi Sakkutooqarfik nersualaaraluni taama allappoq.

Knud Rasmussen ikiuinermi kingorna pilersaarutini malillugit angalanini nangippaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat