Piniartut pisortanit aamma ikiorserneqarsinnaapput

Umiatsiaararsorlutik aalisartut piniartullu silamik nappaateqarnermilluunniit peqquteqarlutik ilaquttaminnut piffissami aalajangersimasumi pilersuisinnaanngikkallartut ikiorserneqarnissamut periarfissaqalerput aningaasateqarfiliortoqarmat. Taamaattorli aamma Inatsisartut peqqussuteqarput, taanna naapertorlugu aalisartut piniartullu pilersuisinnaajunnaarallartut pisortanit ikiorserneqarsinnaapput.

- Naluneqanngitsutut piniartut nipaatsuupput ajornartorsiutiminnillu nilliaatiginnittuunatik, taamaattumik aningaasaateqarfissammik aallartitsisimavunga. Uummannarmiu Margrethe Nielsen ulloqeqqanut radioaviisimi taama oqarpoq. Margrethe Nielsen piniartumut nuliaasoq aningaasaateqarfilioqqammarpoq umiatsiaararsorlutik aalisartunit piniartunillu ajornartoornermi saaffigineqarsinnaasumik. Tamatuma saniatigut pilersuiniarnikkut ajornartoornermi pisortanit ikiorserneqarnissaq aamma periarfissaavoq, Inatsisartut ikiorsiinissamik peqqussutaat 1982-imeersoq naapertorlugu, taama ilisimatitsivoq Kommuneqarfiit Kattuffiata isumaginninnermut peqqinnissamullu immikkoortuani siunnersortaanertut atorfilik Kisia Bruun:

- Tassa kikkulluunniit nunatsinni innuttaasut ajornartoorfimminni pingaartumik silamik peqquteqartumik soorlu aalisartut sivisuumik isertitaarukkallarsimaguni ilaquttaminillu inuutitsiniartussaalluni taava periarfissaqarpoq kommuniminnut saaffiginnissallutik, pisortanillu ikiorsiissutit pillugit Inatsisartut peqqussutaat naapertorlugu ikiorserneqarsinnaassallutik.

Peqqussut naapertorlugu ikiorsiineq ilaatigut nerisassarsiutissanik aammali soorlu akiligassanut oqilisaassinermik, soorlu innaallagissamut kiassarnermut illumullu akiligassatigut tapiisoqarsinnaasoq Kisia Bruun erseqqissaavoq.

- Inoqutigiit isertitaat aallaavigineqartarput, assersuutigalugu aalisartoq nuliaqaruni suliffilimmik, taava nuliata isertitai aallaavigalugit kommuni naatsorsuisussaavoq. Una paatsoorneqartartoq nalunngila; inoqutigiit isertotaat aallavigineqaraangata taava saaffiginnittut tamavimmik tunineqarsinnaaneq ajorput pisariaqartitsivissulli isertitanngitullu ikiorserneqartarlutik. Kisianni taama ajornartuuinnermi saaffiginnittoqartillugu isumaqarpunga aamma sukkasuumik pisariaqanngitsumik utaqqisitsisoqartariaqanngitsoq suliat taama ittut sukkalaartumik ingerlasinnaasariaqarput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat