Piniartut atugaat pillugit suleqatiserinnittoq

Piniarnernikkut qilalugarniarnikkullumi killilersuinerup kingunerisaanik ajornartorsiutinngortut pillugit naalakkersuisunut paasisitsinissamut, Ilulissat kommuneata avannaani kommuneqarfiit piniartoqarfiusut, Qaanaaq, Upernavik, Uummannaq, qeqertarsuaq, Qasigiannguit, Aasiaat Kangaatsiallu kommunii suleqatiserai. Taama saaffiginnissuteqarnini Ilulissat borgmesteriata Kattusseqatigiit Partiianilu siulittaasup Anthon Frederiksen-ip ima tunngaveqartippaa:

- Piniarnermik inuussutissarsiuteqartut ukiuni piffissamilu kingullermi ukiup ilungersunarseruttornerani atugarliuutaasa annertunerulinnginnissaat anguniarlugu, qilalugarniartarnermut tunngasutigut pisassiissutigineqartartunullu tunngatillugu kommunit ataatsimoorussamik Namminersornerullutik Oqartussanut saaffiginnissuteqartariaqarput.

Qilalukkanut tunngasuinnaanngitsut, puisilli amiinut tunngasut saaffiginissutigisassanut ilaasariaqartut Anthon Frederiksen isumaqarpoq.

- Puisit amiinut akit appartinneqaqqipput, tamannalu pillugu piniartut annertuumik illoqinartorsiortinneqarput, massa piniagassarsuit nalliuteruttoraluartut, taamaakkaluartorli tassa piniarsinnaajunnaaqqapput.

Piniartut massakkut atugaat kommuneqarfinnut piniartukkunnullumi kinguneqapiluttussanngortut Ilulissat borgmesteriat naliliivoq.

- Sunniuteqarnerluttut tamaasa ilisimareerpagut. Nalunngilarput piniartut sukkulluunniit ajornartooraangamik isumaginninnikkut ikiorseqqullutik saaffiginnittartuunngitsut. Namminneq sapinngisartik naapertolugu ajornartorsiutitik qaangerniartarpaat. Kisianni taamatut ingerlaannassagutta pissutsit akuersaarneqarsinnaanngitsut annertusingaluittuinnassapput, annertuumillu eqquillutik.

- Apeqquterujusuuvoq Naalakkersuisut qanoq iliorniarnersut. Qilalukkat annertoorujussuarmik killilersorneqarnerannut tunngasunut, Naalakkersuisut oqartarnermissut, susassaqartut tamaasa, kattuffiit kommuneqarfiit piniartullu peqatigalugit sapinngisamik inuiaqatigiinnut annernannginnerpaamik aaqqiiniartariaqarput.

Naalakkersuisuugallartut siulittaasuat Piniarnermullu naalakkersuisuugallartoq Hans Enoksen oqarpoq massakkorpiaq saaffiginnissutaasut tunngavigalugit iliuuseqarsinnaanani, suliassat taamaattut naalakkersuisunngortussanit isummerfigineqartussaassammata.

Decembarip aallaqqaataani Inatsisartunngortut ataatsimeerngaassapput. Naalakkersuisussat akuersissutigineqareerunik suliassatik aallartissavaat.

Uummannap borgmesteria Jens Lars Fleischer ilisimatitsivoq Naalakkersuisunut qinnuteqaatertsik nutaamik qilalugartassiisoqarnissaanik imaqartoq suli akissuteqarfigineqanngitsoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat