Piniartut atugaannik misissuineq

Kalaallit Nunaanni inuussutissarsiutigalugu piniarneq pillugu misissueqqissaarnerup nalunaarusiarineqarnera ualeru pisortatigoortumik saqqummiunneqassaaq.

Nalunaarummi ilaatigut allaaserineqarpoq, piniartut agguaqatigiissillugu ukiui qaffakkiartuinnartut, taamaanneralu inuussutissarsiutip siunissaa eqqarsaatigalugu ernummatigineqarpoq. Piniartunngorusunneq inuusuttut akornanni ikittuinnaat pigisarpaat.

Piniartut aalajangersimasunik pinigaqartartut aamma amerliartorput. Piniartut ikittuinnaat piniagassanik assigiinngitsunik annikitsunnguakkuutaarlugit tunisisarput, piniartulli aalajangersimasumik piniagallit isertitaqarnerungaatsiartarlutik. Tapertaralugu piniartartut annikitsuinnarmik tunisisarput.

Piniartut aningaasaqarnikkut atugarisaat, inuiaqatigiit tapiissutaat, tapiissutit sorliit inuiaqatigiit aningaasaqarnerannut uteqqittarnersut, nammineq pilersorsinnaassuseq pisuussutinillu uumassusilinnik piujuaannartitsiitigaluni atuineq misissuiffigineqarsimapput.

Nalunaarusiortoq Roskildep Ilisimatusarfiani ilinniartitsisoq Rasmus Ole Rasmussen ualeru saqqummiussisuussaaq.