Piniartut ataatsimiitinneqassapput
Qaanaami eqqanilu piniartut pisassaanik naalakkersuisut killersuilernerisa kingorna, innuttaasut annertunerusumik paasitinneqarsimanngillat, tamannalu toqqusassinneqartutut misigisimanartarpoq. Taama oqarpoq Qaanaami Piniartut peqatigiiffiani siulittaasoq, Rasmus Avike.
Qilalugartassat killilersorneqarput, piumasarigaluarparpullu qaammatini apriilimi, maajimi juunimilu puisinniarsinnaanerput, qimminut nerukkaatissatut atorneqarsinnaasunik. Aalisarnermut Piniarnermullu pisortaqarfimmi atorfillit marluk Qaanaamut aqagu tikissapput, innuttaasunik paasititsiniaassallutik, kommunimik ataatsimeeqateqassallutik, Qaanaamilu Piniartut peqatigiiffiannik ataatsimeeqateqassallutik.
-Aalisarnermut Piniarnermullu Pisortaqarfimmi atorfillit ataasinngorpat decemberip ulluisa sisamaani Qaanaami innuttaasunik ataatsimiisitsissapput, Piniartut peqatigiiffianni siulittaasoq, Rasmus Avike, oqarpoq. Aalisarnermut Piniarnermullu Pisortaqarfimmi allaffimmi pisortaq, Ole Heinrich, atorfillit Qaanaamut angalanissaat pillugu oqaaseqartinniaraluarparput, taannali isumaqarpoq, atorfillit Qaanaami eqqissillutik sulissasut, Qaanaamilu innuttaasut ilisimatinneqarsimammata annertunerusumik oqaaseqarusunnani.
