Piniartut 5000 kronenannissanerlutik suli naluaat
Isorliunerusuni piniartut Namminersornerullutik Oqartussanit juullimut checkinnassanerlutik suli naluaat.
Qaanaami Upernavimmi tunumilu piniartut piniagassarliornermik eqqugaasut suli maannamut naluaat nunatta karsianit juullimut 5.000 koruunip nalinganut checkinnassanerlutik. Qinnuteqaat Kalaallit Nunaanni aalisartut piniartullu Kattuffiannit KNAPK-mit qinnutigineqarsimavoq.
Qinnuteqaat naalakkersuisut aqagu decembarip 22-ani ataatsimiilerunik tamanna aalajangiiffigissagaat piniarnermut pisortaqarfimmi allaffiup pisortaa Ole Heinrich oqarpoq, oqaatigisinnannginnerarpaalu qinnuteqaat akuerineqassanersoq. Erseqqissaatigaalu taamatut juullilernerani immikkut ikiorserneqarnissamik qinnuteqartarneq inatsisinik tunngavissaqanngitsoq.
KNAPK isumaqarpoq ukioq kingulleq qaleralinniarnerup ineriartorteqqinnissaanut aningaasaliissutit atorneqanngitsoorsimasut ikiorsiinermi aallerfigineqarsinnaasut. Piniarnermullu pisortaqarfimmi allaffiup pisortaa Ole Heinrich oqarpoq taama ajornanngitsiginngitsoq.
Ukioq kingulleq immikkut ikiorsiissuteqarnissamik qinnuteqaat akuerineqanngilaq.