Piniartutut inuussutissarsiutit pillugit misissuisimanerup takutippaa piniartut utoqqaliartorlutillu ikiliartortut. Maniitsumi umiatsiaararsortut peqatigiiffiata siulittaasua Karl Lyberth oqarpoq piniartut ikiliartornerat paasisinnaallugu.
- Piniartut ullutsinni taamatut atugaqartillugit paasisinnaavara ikiliartormata, neriuppungalu meeqqakka piniartunngornatik ilinniagaqarumaartut, kisianni soorunami piniartuuneq aalisartuunerluunniit toqqassappassuk tapersersorumaarpakka.
Naalakkersuisooqatigiit januaarip qaammataani tapiliussatut isumaqatigiissutaanni allassimavoq pinartuuneq aalisartuunerlu kajuminnarnerulersinniarlugu piniartunik ilinniartsitsisoqartalissasoq.