Piniartunik upperinninnerunera ataqqivaa

Aalisarnermut Piniarnermullu Naalakkersuisoq Finn Karlsen avannaani qilalugaqarfinnut maanna angalavoq, ilaappullu Pinngortitaleriffiup pisortaa Klaus Nygaard aamma paasissutissiisartua Emma Kristensen.

Angalaneq Qeqertarsuup tunuani arfininngormat aallartippoq, Klaus Nygaardilu unnersiorpoq tamaani piniartunik naapitaqareerlutillu oqaloqateqarsimallutik, kisiannili qilalukkanik takunngitsoorsimanerarpoq.

Aalisarnermut Piniarnermullu Naalakkersuisoq Finn Karlsen aviisimut AG-mut oqarpoq piniartut biologinit nammineq upperinerugini, Pinngortitaleriffik nassuersimammat qilalukkanut tunngasunik ilisimasatik 38 procentiinnaasut. Taamakkaluartorli Finn Karlsen-imut attaveqarnertik innarlerneqanngitsoq Klaus Nygaard erseqqissaavoq.

- Kikkulluunniit qanoq isummernissamut pisinnaatitaapput, tamannalu ataqqivara, Klaus Nygaard oqarpoq.

Klaus Nygaard aamma oqarpoq Finn Karlsen Uummannamukalerpat assut ilaarusukkaluarluni, timmisartumili inissaqannginnami Nuummut ullumikkut utiinnartariaqarluni.