Piniartunik Tunumiunik qalipaateqanngitsumik assilisanik saqqummersitsineq
Assit saqqummersinneqartut Ittoqqortoormiini assilisaapput Kalaallit Nunaannilu illoqarfiit avinngarusimanersaanni najugallit inuuniarnerminni atugarisaat takutinniarneqarlutik.
Saqqummersitat ammarneqarneranni borgmesteri Asii Chemnitz Narup najuuppoq, assiliisartorlu Carsten Egevang assit kiisalu Kalaallit Nunaanni pinngortitami assiliisarneq pillugu oqaluttuarluni.
Carsten Egevangip Itoqqortoormiini najugallit ukiuni qulini malittarivai – ilaatigut piniartut piniaqatigisarlugit. Saqqummersitat siornatigut Nunatsinni illoqarfinni arfineq-pingasuni saqqummersinneqarsimapput, atuagartaalu Milik Publishingimit saqqummersinneqarluni.
Carsten Egevangip neriuutigaa, Nuummiorpassuit takornariallu Katuamut aqqusaarumaartut, Tunumilu inuuneq qimerluualaarlugu.