Piniartoq: Nannut amerliartuinnavipput
Nannut amerliartuinnavipput, inuillu najugaqarfiinut qanillisalerlutik. Piniartoq Savissivimmiu Qaerngâq Nielsen taama oqarpoq. Taassuma nannut nungukkiartuinnavinnerannik oqalunneq illuatungilerpaa.
Allattoq Mads Lynge
Qaerngâq Nielsen ima oqarpoq:
- Ernumanartorujussuuvoq nannunik pisaqarsinnaatitaananilu naapittalerlugit, inuit nannunit ulorianartorsiortinneqartalissapput, Qaerngâq Nielsen oqarpoq, nangipporlu:
- Nannuttassiissutit ikiliartuaartinniarneqarnerat aningasarsiorniarnitsinnut eqquinerluppoq. Nannut amerliartuinnavipput, nungukkiartuuartinneqarnissaallu ernumassutissaanani. Taamaammat nutaamik aaqqissuusseqqittoqartariaqarpoq, Qaerngâq Nielsen oqarpoq.