Piniartoq nannussimasoq pinngitsuutinneqarpoq
Ikerasammi piniartoq, Alberth Lukassen, Uummannap eqqartuussivianit pinngitsuutinneqarpoq.
Alberth Lukassen nannumik unioqqutitsilluni pisaqarsimasutut unnerluutigineqaraluarpoq, maannali tassa pinngitsuutinneqarluni.
– Nuannaaqaanga. Pinngitsuutinneqarnerali oqiliallaatiginerpaavara, Alberth Lukassen, Sermitsiamut oqarpoq.
Nannussimaneq, Atuagagdliutini allaaserineqarsimasoq, uumasunik Danmarkimi illersuiniat ilaata atuareeerlugulu, Alberth Lukassen unioqqutsilluni nannussimasutut unnerluutigisimavaa. Tamanna ukiup aappaa avillugu matuma siorna pivoq.
Uummannami meeqqanik børnehjemmermiunik Alberth Lukassenip angallassitilluni nanoq aallaasimavaa, tamannalu tassa unnerluussisup unioqqutitsinertut nalilersimallugu.
Eqqartuussivilli isumaqarpoq Alberth Lukassen meeqqanik angallassigaluarluni soorunami freersinnaasoq.
Suliaq unnerluussisussaatitaasut eqqartuussivimmut suliareqqitassanngortippaat.
