Assi: Ole Løvstrøm/KNR

Piniarsinnaanermut allagartat atuuttut sivitsorneqartut

Inuussutissarsiutigalugu aamma sunngiffimmi piniarsinnaanermut allagartat 2014-imut atuuttut sivitsorneqassasut, Aalisarnermut Piniarnermut Nunalerinermullu Naalakkersuisoqarfik aalajangerpoq tassa aappaagu marsip 31-at ilanngullugu atuutiinnarnissaat aalajangiunneqarluni.

Inatsisartunut qinersisoqarnissaanik nalunaaruteqartoqarnerata kinguneranik allannguinissanik piffissaqartoqarsimannginnera, taama aalajangernermut patsisaavoq.

Allannguutit taakkua tusarniaasoqareernerata kingorna Naalakkersuisunngortussanut akuerisassatut Naalakkersuisoqarfiup innersuussutiginiarai, tusagassiutinut nalunaarumminni allassimavoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl