Piniarnermut nakkutilliisoq amerikamiut nersornaasiuttagaannik nersornaaserneqartoq
Amerikamiut peqatigiiffiata Polar Bears Internationalip nersornaasiuttagaa World Ranger Day Award 2018 Erling Madsenimut Ittoqqortoormiini piniarnermut 2004-mili nakkutilliisuusoq ataasinngormat tunniunneqarpoq.
AAMMA ATUARUK Piniarnermut nakkutilliisoq nannumit saassunneqangajalluinnartoq
Erling Madsenip nannunik illoqarfimmut qanillattortunik ukiorpassuarni nakkutiginnittarnera qimaatitsisarneralu pillugit nersornaaseqarpoq.
Erling Madsen Tunumi piniarnermut nakkutilliisutuaavoq, silallu pissusiata allanngoriartornera immap sikuanik allanngoriartortitsimmat, suliai pingaarneruleriartuinnarput.
AAMMA ATUARUK Nannunik qanillattortoqartarnera toqqissisimatsinngitsoq
Nannut illoqarfimmut, pingaartumik eqqaavissuarmut, qanillattortut amerliartuaarput
Immallu sikua aasakkut annikittarmat, nanorpassuit nunamiinnerusarput.
Polar Bears Internationalip nersornaat inunnut nannunik illersuiniartuni ungavartitsiniartartunut ukiut tamaasa tunniuttarpaa.
Nersornaat piniarnermut nakkutilliisunut soorlu Erling Madsenitut ittunut nersorinnissutaasarpoq, allagartaq, kavaajaq Canada Goose aningaasallu tunniunneqartarlutik.