Piniarnermik inuussutissarsiuteqarnerup annaanniarnissaanut Great Greenland suleqataassaaq
- Kalaalimerngit siammarterneqarluarnerusinnaanerat aningaasarsiornikkullu unittuunnginnissaq anguniarlugit piniartut, aalisartut tunisassiortut nioqqutissiortullu aalajangersimasumik attaveqaasiorneqassasut, Aalisarnermut piniarnermullu naalakkersuisoq, Ane Hansen oqarpoq.
Attaveqaasiulinnginnermi Great Greenlandimut aningaasaliissutit ikilisinniarneqassanngillat
Great Greenlandillu aminik tunisassarsiorup ingerlaannarnissaa qulakkeerniassavaa.
Great Greenlandimi pisortaq, Henrik Estrup oqarpoq suliffeqarfinnut piniartunullu iluaqutaasussamik aappaagumit pilersaarusiornissaq qulakkeerneqarsinnaalissasoq.
Henrik Estrup aamma oqarpoq, kujataani savaatilinnut iluaqutaasumik savat tuttullu amianik
tunisassiulersimasoq. Aamma eqalussuup amianik tunisassiulersinnaanissaq misissorneqartoq.
- Great Greenlandimut aningaasaliissutissat qanoq amerlatigissanersut aatsaat qulakkeerneqarsinnaalissaaq aningaasanut inatsisissaq pingajussaaneereerneqarpat, aamma Great Greenlandip siunissaa pillugu ataatsimiititaliortoqassaaq, Aalisarnermut piniarnermullu naalakkersuisoq, Ane Hansen oqarpoq.
Ilanngutassiaq unnugu Qanoruukkut takujuk