Piniarnermut akuersissutimik qinnuteqarneq ukioq manna siullermeertumik qarasaasiatigut isumagineqarsinnaavoq. Tamanna pissutigalugu amerlanerusut akuersissuteqarfigineqarput, Kommuneqarfik Sermersooq paasissutissiivoq.Assi: Greenland Travel / Flickr

Piniarneq aallartippoq: Siornamit akuersissuteqarfigineqartut amerlanerit tunniunneqareersut

Piniarnermut akuersissutit siornamit amerlanerusut tunniunneqareerput. Kommuneqarfik Sermersuup oqarnera naapertorlugu tamanna suliarinninnerit qarasaasiatigoortunngortinneqarnerannik pissuteqarpoq.

Kommuneqarfik Sermersuumit piniarnermut akuersissutit qunniunneqartut ukioq manna amerlingaatsiarput.

Inuit 1100-it missaanniittut siorna piniarnermut akuersissutinik tunineqarput, aallaaniallu 1787-it tuttussinnaanissamut maannamut akuersissuteqarfigineqareerput.

Piniarnermut akuersissutit naatsumik: 
 

Oktobarip decembarilluunniit naanissaasa tungaannut piniarnermut allagartanik tunniussuisoqassaaq, sunngiffimmi imaluunniit inuussutissarsiutigalugu piniarnermut allagartat apeqqutaatillugit

Tamanna qinnuteqartoqartarnerata qarasaasiatigut ingerlanneqartalerneranik pissuteqartoq, kommune naliliivoq.

- Kisitsisit immini takutereerpaat, tuttunniarnissamut allagartanik tunniuissinissamut digitaliseeriisoqarmat.

- Maannamulli siornamut naleqqiullugit amerlanerujussuarnik, nammineq immersukkanik suliaqartoqareerpoq, Kommuneqarfik Sermersooq tusagassiuutinut nalunaarummi allappoq.

Sulisut ulapinnginnerusut

Innuttaasunut sullissivimmi sulisut akuersissutilerisartuupput. Taakku nalinginnaasumik ulapittarnertik pissutigalugu sapaatini akunnerni marluinnarni akuersissutilerisaraluarput.

Ukioq mannali allaaneruvoq, tamannalu kommunip ”ammaanerup nalaani ulapaarfiunerpaasartumi” sulisut allaat suliassanut allanut piffissaqarsimasutut nassuiaatigai.

AAMMA ATUARUK Pinngortitaleriffik: Tuttoqarpallaarpoq

Naalli akuersissuteqarfiusut amerlanerugaluartut nunatta kitaani aallaaniat pisaqarluanngitsoornissaminnut ernumasariaqanngillat.

Pinngortitaleriffik naapertorlugu nunatta kitaani tuttut aatsaat taama amerlatigipput.

2018-imit 2019-imut kisitsinermit kisitsisit tuttut nunatta kitaaniittut 140.000-init 165.000-inut amerlassuseqartut, pinngortitaleriffiup allaaseraa.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat