Piniarneq aalisarnerlu pillugit Ilulissani niuffannissaagaluaq aappaagu pisussanngorpoq
Oktobarip qaammataani ingerlanneqartussaagaluartoq aappaagumut aprilimi pisussanngorpoq.
Niuffannissaq aappaagu apriilip ulluisa 13-annit apriilip ulluisa 15-ata tungaanut pisussanngorpoq.
Avannaata Kommuniata nittartagaani tamanna nalunaarutigineqarpoq.
Taama pisoqartusanngorpoq aningaasaqarnermut ataatsimiititaliap innersuussutaa kommunalbestyrelsimit akuersissutigineqarmat.
AAMMA ATUARUK Ilulissani nittarsaassinissaq PolarExpo aappaagumut kinguartinneqartoq
Corona pissutigalugu killersuinerit pissutigalugit niuffatitsinissaaq kinguartinneqarpoq.
Isumannaallisaanermi 2020-mi decembarip 31-iata tungaanut atuuttussaq naapertorlugu illup iluani aaqqissuussisoqartillugu amerlanerpaamik inuit 100-t peqataasinnaatitaapput
Niuffatitsinermi inuit peqataasussat amerlassussaannut naapertuutinngitsoq Avannaata Kommunia taama allappoq.
Tamanna niuffannermi saqqummersitsisussanut 75-iusunut ikinnerpaamillu saqqummersitsinermi sulisunik marlunnik peqataatitaqartartunut naapertuutinngilaq.