Misissuilluaqqaarluni uuliasiortoqarnissaa Ilulissani aalisartut piniartullu peqatigiiffiannit kaammattuutigineqarpoq.
Qeqertarsuup kitaani misiliilluni qillerisoqalerpat piniakkat tammakarnissaat pingaartumik Ilulissani aalisartut piniartullu aarleqqutigaat.
- Biologinit oqarfigineqarpugut piniakkat killilersukkat aasaanerani ingerlaartartut pinngitsooratik ingerlavimminnik allannguissasut,
tamannalu uatsinnut aalisartunut piniartunullu eqquisussaassaaq, taamaammat misissuilluaqqaarluni uuliasiulernissaq IAPP-miit isumaqataaffigisinnaavarput, siulittaasoq Jeremias Jensen oqarpoq.
Qillerinissalli isumannaatsumik ingerlanneqarnissaat Ilulissani raajarniat peqatigiiffianit aamma kaammattuutigineqarpoq.
- Kalaallit Nunaat namminiilivinnissaminut piareersartoq assut tapersersornarpoq allamik oorisiorfissaqanngivikkatta, taamaallaat aalisakkat raajallu kisiisa oorisiorfigigatsigit, oorinillu puilasoqanngimmat isumannaannerpaamik aaqqiisappata tapersersorparput, Jeremias Jensen oqarpoq.