Piniakkat pillugit suleqatigiinnerliortoqarpoq

Nuup Kommunalbestyrelsiani ilaasortaq Nikolaj Heinrich, Siumut, Kujataata Radioanut oqarpoq, misigisisimalluni biolog-it, Namminersornerullutik Oqartussat piniartullu suli suleqatiginnerluttut. Aggustusip 1-taaniit novembarip 15-iata tungaanut aammalu januaarip 1-taaniit februaarip 28-ata tungaanut Nuup eqqaani tuttuniarnissaq sivisuallaarnerarpaa.

- Nuuk inuppassuaqarpoq tuttuniartartunik, innuussutissarsiutigalugu piniartut sunngiffimmilu pinialuttartut. Ullumimut tuttut kalaaliaqqami salupput qaqutigullu tuttoqartarpoq. Tuttut tiffasipput imminnnut illersorniarlutik, novmeberiulerpalli nerisassaarukkunik piaqqatik ilagalugit kitaanut sassartissapput, tassalu mianerisassagut.

Piniartut nalunngilaat upernaakkut ukiakkullu tuttut piaqqisartut. Biolog-it ukiut 10-it 15-it matuma siorna piniartunik apersueqqaarnatik, sukangasoorujussuarnik killilersuilerput. Tuttoqassuseq eqqarsaatigalugu paatsiveerunnersuaq ulloq manna tikillugu aqusinnaajunnaarsimavarput. Qaammatit marluk tuttunniartoqarnissaanut naammakkaluarput, Nikolaj Heinrich oqarpoq.

-Nikolaj Heinrich ilumoorpoq. Siammasippallaamik assigiimmik tuttuniarnissamik aaliangiisoqartarnera kukkuneruvoq. Maniitsumi piniartut septemberip qiteqqunneranut killilerlugu qaammatini marlunnik sivisutigisumik siunnersuuteqaraluarput, KNAPP-p siulittaasua Johannes Rosing oqarpoq.

- Biolog-it KNAPK-mik qanimut suleqatigiinissaannik Pinngortitaleriffiup siulersuisui neqeroorfigissavagut. Ullumikkut biolog-it takkuttarput ineriikkanik siunnersuusioreersimallutik, Namminersornerullutik Oqartussanut anguniarumasaminnik. KNAPK-mut biolog-it saaffiginnittarput tuttunik kisitseqataasussanik piniartunik nammineq nassaarsimanertik ilisimatitsissutigalugu. Uagutsinnut tamanna naammanngilaq. Biolog-it piniartut innersuutaat iluaqutigisorujussuussagaluarpaat, tusarniaanerillu sivikippallaartarlutik, KNAPK-p siulittaasua Peter Olsen oqarpoq.

Pinngortitaleriffik Piniarnermut pisortaqarfimmut taamaallaat siunnersuisartuuvoq tuttuqassusianik nerisassaqarneranullu tunngasunik. Pisortaqarfiup nammineq qaqugu tuttuniartoqassanersoq aaliangersortaraa, Pinngortitaleriffiup avammut paasissutissiisartua Emma Kristensen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat