Qulaarpaa - Pingasunik ukioqarlunga atornerlunneqarpunga

Kinguaassiutitigut atornerlunneqarsimasut kingunerlutsitsisarnerat sakkortuupilussuuvoq, ajornartorsiullu annertooq Qulaarpaami sisamanngornermi maajip arfineq-aappaani immikkut sammissavarput. Tamatumunnga atatillugu arnamit Akunnaarmiumit 58-inik ukiulimmik e-mailisivugut.
Assi © : Paalu Møller/KNR
maajip 06-at 2015 05:35

Aajuna oqaluttuarerusutaa:

Grethe Olsenimik ateqarpunga, meeraaninni atornerluneqarnikuuvunga. Qaatuppunga pingasunik ukioqarlunga annernartumik uppatikkut anniartinneqarlunga, pisoq puigorneq-ajorpara. Taamanili meeraaneq annernartumik taasarpara annernartumimmi eqqaamasaqarfigigakku.

Atuartunngorama angutinit ataasiinnaanngitsumit annernartumik pineqartarpunga.

Illumi persuttaaffiusumi imerfiusumilu peroriartorpunga sinitsaalineqartarlunga, pisunullu uanga imminut pisuutittuarlunga.

Inersimasunukua tamarmik ikiuineq-ajortut, oqaqqusaanngilangami pisunut. Niaqqunni ilisimavara kikkut tamarmik ikiuukkusunngitsut, meeraallunga atuariartoraangama qimaasutut imminut inissitarnikuuvunga.

Massakkut killiffigaara ikiortissarsiorsinnaanneq, uinnguamalu sutigut tamatigut tapersersortuarpaanga aqqutissiuullunga annissuigaangamalu aamma tusarnaartarlunga.

Misiginikuugaluarpunga arnaassuseqarnanga, massakkut misigaanga arnaallunga. Maanna inuunera nuannareqaara, suliffeqarlungalu aamma nuannarilluinnakkannik.

Misigisimasakka sakkortoqisut naatsunnguamik allaaseraakka, misigisimagama inunnut allanut aamma misigisimasakka tusartikkusullugit.

Aamma atuaruk - Tallimanik ukioqarlunga kinguaassiutitigut atornerlunneqaqqaarpunga

Aamma atuaruk Misigissutsitit oqaluuserikkit

Aamma atuaruk Inuunerup sinnerani ikiligaaneq