Pingajussaa inuttassarsiorneqarpoq

Atammimmi pinaveersaartitsinermut siunnersortitut sulisussamik Maniitsup kommunea pingajussaa pissarsiortariaqalerpoq, inuttassarsiuinerit siulliit iluatsissimanngimmata.

kommunalbestyrelsi juulli sioqqullugu aaliangerpoq nunaqarfik nammineq pinaveersaartitsinermut siunnersorteqalissasoq, ukiut arlallit matuma siornagut Atammimmi meeqqat kinguaasiutitigut atornerlunneqarsimasut ikiorneqarlualerniassammata.

Atorfik pingaarutilik suli maannamut inuttalerneqarsimanngitsoq, Maniitsup kommuneata isumaganninninnermut immikkoortuani pisortap tullia Sørine Petersen oqarpoq.

Atorfik siullermik nunaqarfimmi inuttassarsiorneqaraluarpoq, kingusinnerusukkut Maniitsup kommuneata qarasaasiakkut nittartagaani sulisussarsiortoqarluni. Qinnuteqartoqangimmalli massakkut pingajussaa tassa inuttassarsiuisoqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat