- Napparsimasutut nalunaaruteqarnera qasukkaammernaqaaq, suleqatimali qimarratigiinnarneri pillugu ilerasuuteqarpunga, Taatsi J. Lynge oqarpoq.Assi: KNR

Pinerluuteqarsimasunut inissiisarfiup sinniisua uippakajaarnini pissutigalugu sulinngiffeqartoq

Nuummi pinerluuteqarsimasut inissiisarfimmi sulinermi uippakajaarneq qaangiuttoorlunilu sulineq malunnartut, sinniisoq napparsimalluni sulinngiffeqarallartoq oqarpoq.

Nuummi pinerluuteqarsimasunut inissiisarfiup qarmarsuata iluini sulinermi atugassarititaasut sakkortupput. Nakkutilliisut ilarujussui suli ilinniartuupput, qaangiuuttorlunilu sulinerit suliffiup uippakajaarluni suliffiusariaqarneranik pilersitsipput.

Taatsi J. Lynge pinerluuteqarsimasunut inissiisarfimmi sinniisoq oqarpoq. Taanna sulinermi nanertuunneqarnermik eqqugaaqqavoq juunillu ulluisa 24-anni uippakajaarnini pissutigalugu sulinngiffeqarallalerluni.

- Suliffimmi nanertuunneqarnermi piffissami matumani nalaatatsinni artorsaateqarnera pissutigalugu sulinngiffeqarallarpunga. Timikkut qasuuikkama, Taatsi J. Lynge KNR-imut oqarpoq.

AAMMA ATUARUK Pineqaatissinneqarsimasut Nuummiikkusunngitsut

Pinerluuteqarsimasunut inissiisarfimmi nakkutilliisut ilinniarsimasut amerlanerusut pisariaqartinneqartut, 42-nik ukiulik sinniisoq isumaqarpoq.

Taamaammat pinerluuteqarsimasunut inissiisarfik allaaseraarput

Nuummi pinerluuteqarsimasunut inissiisarfimmut inissinneqarsimasut ilaasa pissutsit naammagittaalliutigereeraallu inissiisarfiup nutaap oqallisigineqarnera annertunerulerpoq.

Sulisut amigarnerat susassaqartitsinerillu taamaatiinnarneqartut ajornartorsiutit ilaattut oqaatigineqarput.

Nuummi pineqaatissinneqarsimasunut inissiisarfimmi nakkutilliisut 49-sussatut naatsorsuunneqarpoq. Juunilli aallaqqaataani 31-nnaat sulisorineqarput, taakkunannga 15-it ilinniartuupput.

KNR-ip illuatungeriit qassiiusut pinerluuteqarsimasunut inissiisarfimmi pissutsit pillugit oqaloqatigai.

- Nunatsinni innuttaasut ulorianarnerpaat isumagisarpagut, tamannalu piffissami sivitsortumi inuit ilaannut sakkortusinnaasarpoq. Suleqaterpassuaqarnikuuvunga arlaannik pissuteqarlutik soraartunik, Taatsi J. Lynge oqarpoq.

Amerlasuut misiliummik nakkutilliisuusut

Nunatsinni pinerluttunik isumaginnittut oqarnerat naapertorlugu Nuummi pinerluuteqarsimasunik inissiisarfimmi nakkutilliisut 49-sussat naatsorsuutaavoq. Juunip ulluisa aallaqqaataanni nakkutilliisut 31-t atorfeqarput, taakkunannga 15-it ilinniartuupput.

Misiliummik nakkutilliisuusut pisariaqartumik ilinniagaqanngitsut inissinneqarsimasunillu sullissinissamut naammattumik misilittagaqanngitsut maannakkut amerlasut, Taatsi J. Lynge isumaqarpoq.

Suliffimmi nanertuunneqarnermi piffissami matumani nalaatatsinni artorsaateqarnera pissutigalugu sulinngiffeqarallarpunga. Timikkut qasuuikkama.

Tamanna ulluinnarni suliassanik assigiinngitsunik suliaqarnissamut unammillernartoqartitsisarpoq.

- Napparsimasutut nalunaaruteqarnera qasukkaammernaqaaq, suleqatimali qimarratigiinnarneri pillugu ilerasuuteqarpunga, Taatsi J. Lynge oqarpoq.

Taatsi J. Lyngep sinniisutut suliassami isumaginissaat ilaatigut piffissaqarfiginngilai, pissutsillu nakkutilliisunut ataqatigiissinnaat pissutigalugu inissinneqarsimasut sammisassaasa ilaat taamaatiinnarneqartariaqarsimasut tassuma oqaatigaa.

Danmarkimit ikiuisoqariartulersoq

Peter Fomsgaard pinerluuteqarsimasunut inissiisarfimmi aqutsisutut juulip ulluisa aallaqqaataanni atorfinippoq.

Taassuma atuuffimmi tassani sulinermini uippakajaarneq, napparsimasut nakkutilliisulluunniit pinngitsaalisamik qaangiuttoorlutik sulisariaqartut ajornartorsiutaanerat tusarsimanagulu nalaassimanngilaa.

- Nalinginnaasumik napparsimasoqarpallaanngilaq. Suliffeqarferujussuuvugulli. Sapaatini-akunnerni marlunni maaniinnera tunngavigisinnaanngilara. Ukiummi affaata matuma siorna qanoq issimanera naluara, aqutsisoq oqarpoq.

Inissiisarfiup matoqqasortaani ineeraq. Assi: KNR

 

- Sulisarfiit piffissaanut atatillugu suliffissat sivikinnerusut sivisunerusulluunniit tigorusunnerlugit nammineq aalajangerneqarsinnaavoq. Amerlasuullu suliffissat sivisunerusut toqqartarpaat, taakkumi ullumik sulinngiffissamik periarfissaqartitsisarput, Peter Fomsgaard oqarpoq.

Nalinginnaasumik akunnerni arfineq-pingasuni sulisoqartarpoq, sivisunerusumik sulineq akunnernik 16-inik sivisussuseqartarpoq.

Tina Dam pinerluuteqarsimasunut inissiisarfik siorna aasaanerani ammaqqaarmat aqutsisuuvoq. 

Taassuma uippakajaarneq suliffimmilu nanertuunneqarneq aqutsisuunermi nalaani ajornartorsiutaasorinngilaa. Pinerluuteqarsimasunulli inissiisarfiup nutaamut ammasumik matoqqasumillu immikkoortortalimmut nuunneqarneranut atatillugu unammillernartoqarsimasoq uppernarsarpaa. Tassanilu aamma sulisussaaleqisoqarluni.

- Piffissaq sakkortusimavoq. Sulisut ataatsimiittarneranni oqaloqatigiissutigineratigut iliuuseqaqaagut. Sakkortunera aamma ajunnginnera oqaluuseraagut. Isumaqarpunga iluaqutaangaatsiartoq. Suliffik sakkortuvoq, aamma tunniussaqarfiungaatsiarpoq, Tina Dam oqarpoq.

Taassuma allanngortitsisoqarnerata sakkortunera pissutigalugu ataaseq soraarsimasoq eqqaamavaa.

AAMMA ATUARUK Pisortap pinerluttunik inissiisarfiup isornartorsiorneqarnera ilisarisinnaangikkaa

Pinerluuteqarsimasunut inissiisarfimmi maanna aqutsisup inissiisarfimmi sulisut amerlanerusut pisariaqartinneqarnerat nassuerutigaa. Tamannali iliuuseqarfigineqarpoq. Pinerluuteqarsimasunut inissiisarfiup aqutsisua naapertorlugu inissiisarfimmi inissiiffissat 20-t 25-llu akornanniittut inissiiffiusinnaagaluartut inoqanngillat.

Peter Fomsgaardip oqarnera naapertorlugu Pinerluttunik isumaginnittoqarfiup inissiisarfimmi nakkutilliisut tallimat Danmarkimit aggustimi tikisissavai.

Taakku misiliutaasumik nakkutilliisut arfineq-pingasut ilinniakkaminnik naammassinnikkiartorneranni tassa novembarip tungaanut nakkutilliisunut oqilisaataassapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat