Pinerluttoq saassussinermini politiinit toqutaasoq 24-inik ukiulittut qaortumik amilittut kinaasusersineqarpoq. Assi: Scanpix

Pinerluttup 24-nik ukiullip najani aallaallugu toqukkaa

Qatanngutigiit pisoqarfimmut ataatsikkut takkussimasut tusagassiortunik katersortitsinermi Dayton Politi oqarput.

Amerikami illoqarfimmi Daytonimi naalagaaffimmi Ohiomi angut 24-nik ukiulik aallaasersormat inuit qulingiliuat toqutaapput.

Toqutaasunut ilaavoq angutip aallaasersortup najaa 22-nik ukiulik.

Aallaasersortup najaa taassumalu ikinngutaa angut allaasersortoqarnerani siulliit ilagalugit aallaaneqarput.

Qatanngutigiit taakkua imerniartarfimmukaramik ingerlaqatigiissimasut, Daytonimi politiit pisortaat Richard Biehl oqarpoq.

Aallaaasersortup eqqaassilluni aallartinneranit 30 sekuntit qaangiummata politiinit aallaasersorsinnaajunnaarsinneqarpoq, tusagassiuutinut nalunaarummi taama allassimavoq.

Ohio-mi senatori oqarpoq, aallaasersortoq tarnimigut nappaateqarneranik takussutissaqartoq.

Amerikami aallaasersornerit tulleriit inuit arlaqartut toqutaanerannik kinguneqartut, USA-mi kikkut tamarmik sakkunik atuisinnaanerannik inatsisip oqallisigineqarnera annertuseqqippoq.

Aallaasersornerit tulleriit marluk ilanngullugit, USA-mi ukiormanna aallaasersortoqarnerani inuit katillutik 251-it toqutaapput, taassalu ukiumut ullormut ataasiarluni aallaasersortoqartarnerattut kisinneqarsinnaalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat