Assi: KNR / Paarnaq Hansen

Pinerluttunik isumaginnittoqarfimmut aningaasassat isumaqatigiinniutigineqassasut

Naak Folketingimi pinerlussimasunut isumaginnittoqarfik pillugu ukiunut sisamanut isumaqatigiissuteqartoqaraluartoq suliassaqarfik nunatsinni pitsanngorsarneqarnerussanersoq ukiumi nutaami isumaqatiginninniarnernit aalajangerneqassaaq. Inatsinut atuutsitsinermut naalakkersuisoq, Sara Olsvig (IA) KNR-imut taama oqarpoq.

Folketingimi amerlanerussuteqartut pinerlussimasunut isumaginnittoqarfiup 2021 ilanngullugu aningaasaqarnissaanut  isumaqatigiissutigereeraat taama qisuariaateqarpoq.

Aningaasat nunatsinni pinerluttunik isumaginnittoqarfimmut atugassatut isumaqatigiissutigineqartut amerlanerunngillat.

Taamaakkaluartorli danskit naalakkersuisuisa Dansk Folkepartiillu 2018-imi nunatsinni pineqaatissinneqarsimasunut inissiisarfinni sulisut ilinniaqqinnissaannut 1,2 millionit koruuninik, eqqartuussiveqarnermullu 40 millionit koruuninik immikkoortitsinissaq isumaqatigiissutigaat.

AAMMA ATUARUK Pinerluttunik isumaginnittoqarfik pillugu isumaqatigiissummi nunarput ilaatinneqanngilaq

Danmarkip ataani, matumani nunarput ilagalugu, pinerluttunik isumaginnittoqarfimmut 124,5 millionit koruuninik tunniussisoqarnerunissaa ilaatigut isumaqatigiissutigineqarpoq. Tamanna danskit 2018-imut aningaasanut inatsisaannut ilaassaaq.

Aningaasallu naalagaaffeqatigiinni aalajangersimasumut atugassaatinneqannginnerat agguaanneqalerpata iluaqutissartaqarsinnaallunilu ajoquteqarsinnaasoq, Sara Olsvig isumaqarpoq.

- Erseqqikkunnartoortarami, aningaasaliissutit taakkua akoranni qassit Kalaallit Nunaanut atorniarneqarpat. Tamannali aamma illuatungaatigut pitsaasutut isiginiarneqarsinaavoq. Tassami pinerluuteqarsimasunut isumaginnittoqarfik pillugu assersuutigalugu isumaqatigiissusiortoqarsimanerani Danmarkimi aaqqiissutiginiarneqartut nunatsinni aamma aaqqiissutiginiarneqassasut naatsorsuutigisariaqarpagut, Sara Olsvig taama oqarpoq.

AAMMA ATUARUK Aaja Chemnitzip isumaqatigiissut nutaaq isornartorsioraa

Naalakkersuisut periusissiartik nunatsinni inatsiseqarnermut pitsanngorsaaffigineqartariaqartut pillugit kissaatinik imalilik inatsisinut atuutsitsinermut ministerimut, Søren Pape Poulsenimut, taama ittumik nassinneqarnissaminik kissaateqarsimasumut nassiuppaat.

Danskillu naalakkersuisuisa periusissiaq tigoreerlugu inatsisitigut kinguleruttussat pillugit aamma nunatsinni Danmarkimilu politikerinit nalunaarusianiillu uparuarneqareersumut, isummernissaat Sara Olsvigip naatsorsuutigaa.

- Danskit justitsministeriata massakkut arsaq tigummivaa, suleriaqqinnerminilu ataqatigiissakkamik suliaqarnissaq tullinnguunnasoraara. Tamannalu pisariaqavippoq, tassami ataasiakkaamininnguanik ataqatigiissagaanngitsunik aaqiissuteqartaqattaalaartarnikkut amerlasuutigut ajornartorsiutit allat nutaat pinngortarput, Inatsisinik atuutsitsinermut naalakkersuisoq, Sara Olsvig taama oqarpoq.

AAMMA ATUARUK Herstedvesterimiittunut akeqanngitsumik angalasarnerit atorunnaarsinneqartut

Sara Olsvigip Søren Pape Poulsenillu Naalakkersuisut inatsiseqarnermut periusissiaat januaarip qulingani 2018-imi oqaluuserissavaat.

KNR-ip danskit inatsisinut atuutsitsinermut ministeriata pinerluttunik isumaginnittoqarfik pillugu isumaqatigiissummut oqaaseqarnissaa utaqqivaa.

AAMMA ATUARUK Pineqaatissinneqarsimasunut aningaasartuutit isumaqatigiinngissutaasut

 

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat