Pinerluttunik isumaginnittoqarfik nutaamik pisortartaassaaq

Herstedvesterimi parnaarussivimmi inspektøri, Hans Jørgen Engbo, Pinerluttunik Isumaginnittoqarfimmi juulip ulluisa aallaqqaataanniit pisortanngussaaq.
Allattoq Carla Davidsen
maajip 31-at 2013 05:24

Atorfik ukiuni pingasuni atorfigineqartarpoq, Hans Jørgen Engbolllu atorfininnissaata tungaanut Michael Stage pisortaagallassaaq.
 
Pinerluttunik Isumaginnittoqarfimmut Pisortaqarfimmit tusagassiuutinut taama allapput.
 
Herstedvesterimi Parnaarussivimmi sulinerminit Hans Jørgen Engbo kalaallinik parnaarussaanik sullissinermik misilittagaqarluarpoq, Inuiattullu juunip ulluisa 21-anni siorna ullorsioratta kalaallit erfalasuata Herstedvesterimi erfattalernissaa pernaammik eqquppaa.
 
Hans Jørgen Engbo inatsisilerituutut Kønenhavnimi Universitetimi ilinniarsimasuuvoq, Herstedvesterimi sulinermi saniatigut Jyderupimi Vridsløselillemilu parnaarussivinni inspektøriusarsimavoq.
 
Herstedvesterimi Parnaarussivimmi 2007-imili atorfeqarpoq.
 
Pisortanngortussap isumagisassaanut annernut ilaassaaq Nuummi matoqqasumik parnaarussivissap ammarneqarnissaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq