Pinerluttulersaarut Nunatsinni pisuusaartinneqartoq nuannarineqarluartoq

Atuagaq pinerluttulersaarusiaq Den sorte engel tassa inngili qernertoq Nuummi Atuagkat-ni tallimanngorpat saqqummersinneqassaaq.
Assi © : Milik
juulip 05-at 2017 14:57

- Pinerluttulikkersaarut tassaavoq atuakkiap nersualaarneqartup ’Frosne Beviser’-ip nanginnera. Atuagaq nutaaq Uummannami pisuusaartinneqarpoq, inuttaasorli pingaarneq tassaajuarluni Sika Haslund, atuakkiortoq Nina Von Staffeldt oqarpoq.

- Uummannaq nuannarisorujussuuara. Arlaleriarlungami tikittareerpara, atuakkiara tassangaaniit isumassarsiaraara, Den sorte engelimik Atuakkiortoq Nina Von Staffeldt taama oqarpoq.

Atuakkiortoq 1997-imiit ukiuni arlalinni nunatsinniissimavoq, nunattalu sineriaani angalanermini kalaallit naapittarsimavai. Taassuma atuagaq Nuummi Sisimiunilu pisimasuusaartitaasoq "Frosne Beviser" tassa (Uppernarsaatit qerrussimasut aaqq.) atuakkiaqqaatigaa, taamaakkaluartoq saqqummersitseqqilernini ima misigisimallugu oqarpoq:

- Pissangalaarpunga, Nina Von Staffeldt taama oqarpoq.

AAMMA ATUARUK Atuagaq pinerluttulersaarut nunatsinneersoq nersornaaserniaraat

Atuagaq Den sorte engel - inngili qernertoq Danmarkimi saqqummersereerpaa atuartartunillu soqutigineqarluarsimavoq.

- Atuakkiannik atuarsimasut siulliit atuagaq soqutiginarluartutut nalilerpaat, neriuppunga atuagaq siulleq saqqummersitaratuulli tigulluarneqassasoq, atuakkiortoq Nina Von Staffeldt oqarpoq.

 Allaaserinnissimaninilu pissanganarsimaqisoq oqaluttuaraa:

- Allaanngilaq filmeq isiginnaarlugu takorloorlugulu atuakkiara allappara soorlu tassa filmeq.

Atuakkiortoq ukiut qulit matuma siorna Maammorilimmiinnermini siunissami Maamorilik pillugu atuakkiorniarluni aalajangersimavoq. Taamaalilluni atuakkiani kingulleq pinerluttulersaarut Den sorte engel tassa inngili qernertoq atuakkamut atsiuppaa.