Pinerluttoqarsimatillugu paasiniaasartut Nutaarmiuniittut

Danmarkimi pinerluttoqarsimatillugu paasinniaasartut teknikerit Nutaarmiuni toqutsiffiusumi toqutseriarfiusumilu illuni marluusuni tallimanngormalli misissuipput.
Allattoq Jaaku Lyberth
februaarip 12-at 2012 12:55

Pinerluttoqarsimatillugu paasiniaanermi teknikeri Kim Larsen misissuiffigisaminni
sorpiaat nassaarisimaneralugit oqaaseqarsinnaanngilaq.

- Qanoq pisoqarsimanera paasiniarparput, pinerluttuliorfiusumi takussutissat uppernarsaatitut atorneqartussat oqaluttuariniarsarisussaavagut kriminalteknikerit pinerluttoqarsimatillugu paasiniaasartut Nutaarmiuni toqutsiffiusumi paasiniaasut ilaat Kim Larsen oqarpoq.

Kim Larsen Rigspolitiit pinerluttoqarsimatillugu teknikkikkut paasiniaasarfiani suleqatini marluk peqatigalugit Upernavimmut sisamanngormat tikipput, Nutaarmiunut aqaguani tallimanngornermi tikillutik.

Nutaarmiuni misissuineritk ippassaq arfininngornermi naammassivaat, misissuinerminnili suliatik qaqugu naammassineqarsinnnaanersut oqaatigisinnaannginerarpaa.

Toqutsiffiusumi toqutseriarfiusumilu susoqarsimaneranik takussutissat misissoqqissaarneqarput taakkua eqqartuussisoqarnerani qanoq pisoqarsimaneranik uppernarsaatitut atorneqartussaallutik, ilaatigut pisut aalajangersimasut eqqaamaqqissaarneqarneq ajoramik, Kim Larsen oqarpoq.

- Tasssalu maanngarpugut qanorpiaq pisoqarsimanera uppernarsariartorlugu, pinerluttoqarsimatillugu teknikkut paasiniaasartoq, Kim Larsen erseqqissaavoq.

Suliap qaqugu naammassineqarsinnaanera pillugu Kim Larsen aperineqarami akivoq, tamanna sivisusinnaasoq.

- Pinerluttuliorfiusumi assilisat uppernarsaatitut atorneqartussat misissuiffigineqartussaapput, inuup sananeqaataanit pisut missuiffigineqassapput paasissutissallu arlappassuit Københavnimi pinerluttoqarsimatillugu teknikkikkut mississuisarfimmi misissoqqissaarneqartussat katersorneqartussaallutik, taamaattumik suliaq sivisussaaq qaqugulu naammassineqarsinnaanera oqaatigisinnaanagu, Kim Larsen nassiuaavoq.