Pinerluttoqarneranik unnerluussinerit ukiut ataatsip ingerlanerani 20 procentinik ikileriaateqarput

Pinerluttoqarneranik unnerluussinerit ukiut ataatsip ingerlanerani 20 procentinik ikileriaateqarput.

Politiinut unnerluutiginninnerit 2018-inimi 4371-iupput, tassa ukiup siulianut sanilliullugu 20,1 procentinik ikinnerupput. Naatsorseqqissaartarfiup kisitsisaataanni kingullerni taanna takuneqarsinnaavoq.

Pigisanik tillinnerit, soorlu tillinniarnerit, peqquserlunnerit pinerliinerillu allat

aningaasannanniutaasut unnerluunneqarneri ikileriarujussuarsimapput.

Pinerlunnerit ukiut tallimat ingerlanerini affaannanngungajassimapput, tassalu 1603-t unnerluutigineqarsimallutik.

Persuttaanerit aangajaarniutinullu tunngasut unnerluunneqarneri aamma ikilerujussuarsimapput.

Pinngitsaaliinerit kannguttaatsuliornerillu amerleriartut

Kisitsisilli nuannersuinnaanngillat.

Inunnut navianartorsiortitsinermik pinerlunnerit, tassaasut pinngitsaaliinerit, kanguttaatsuliiornerit, meeqqanut kinguaassiuutitigut kannguttaatsuliornerit ukiup siulianut sanilliullugit procentinik qulinik amerleriarsimapput.

Kisitsisit kingulliit nunatsinni pinerlunnermut ineriartornermut piviusumik ersersinngimmata, unnerluutiginninnermulli kisitsisaallutik.

Unnerluutiginninnerimmi tamarmik pineqaatissiinermik kinguneqartanngillat. Inunnut navianartorsiortitsinermik pinerlunnerit pineqaatissiissutigineqannginnerpaasarput.

Inunnut navianartorsiortitsinermik unnerluussinerit 80 procentii 2014-imi pineqaatissinneqarput, kisitsilli maanna 59 procentimut apparsimavoq.

Pigisanik tillinnerit unnerluutigineqartut affaat ataallugit pineqaatissinneqarsimapput.