Pinerliiniatut pasisat 14-t

Qaammatit arlallit tuluit politiivi misissuereerlutik tallimanngormat kingusissukkut arfininngormallu ullaakkut pinerliiniaqatigiiusorineqartut tigusaraat.

London-ip kujataani kangiatungaanilu sakkortuumik akersuuttoqareersoq, inuit 14-t sumiiffinni assigiinngitsuneersut tigusarineqartut, tuluit politiivinit nalunaarutigineqarpoq.

Taamatuttaaq Manchesterimi politiinit nalunaarutigineqarpoq, inuit marluk pinerliiniaqatigiinneersut tigusarisimagitsik.

Akersuunneq pinerliiniarnermut attuumassuteqarsorinanngikkaluarpoq, sapaatilli-akunneri pingasut matuma siorna politiit pasitsannerisigut paasineqarpoq timmisartoq USA-mut ingerlasussaq qaartartumeerniarneqartoq.

- Akersuunnermi sapaatip-akunnerata naanerani pisumi tigusarineqartut inuit 14-t pinerliiniartunut pilersaarusioqataasutut akuusorisavut tigusaraavut, politiit ilisimatitsipput.

Tuluit ministereqarfiata nittartagaa naapertorlugu pinerliisoqariataarnissaa ilimanaateqartorujussuartut maluginiarneqarpoq, ilaatigut nalilersorneqarluni ilimasunnerup qaffasinnerpaaffissaata tullianut inissinneqarsinnaasoq.