Pineqaatissinneqartoq

Ilulissat eqqartuussivianni angut 32-inik ukiulik, aataminik toqutsisimasutut pinerluuteqarsimasunik inissiisarfimmiittussanngorlugu, ukiuni tallimani ullumi pineqaatisinneqartoq eqqartuussisup Jens Møllerip nalunaarutigaa.

32-inik ukiullip siorna apriilip ulluisa 15-anni,aatani qimillugu toquppaa. Toqutsineq Ilulissani aataajusup inaani pivoq. Pineqaatissinneqartoq toqutsinermi kingorna politiinit tigumigallagaavoq.

Eqqartuussineq aatsaat ullumi ingerlanneqarpoq, 32-inik ukiullip eqqarsartaatsimigut misissorneqarnera sivitsorsaataasimammat.

Nalinginnaasumik misissuisoqareersorlu immikkut ittumik misissuisoqarnissaa pisariaqartinneqarsimavoq.

32-inik ukiullip pineqaatissinneqarnini akueraa, ingerlaannarlu pinerluuteqarsimasunut inissiisarfimmiilerpoq.