Pineqaatissinneqarsimasut qaammatini 16-ni utaqqisarput

Pinerluuteqarsimasunut inissiisarfiit ulikkaaqqanermik pineqaatissinneqarsimasut piffissami sivisuumi utaqqisariaqartarput. Pineqaatissinneqarsimasut inissinneqarnissaminnut utaqqisut siorna amerlasimaqisut, Politiit nalunaarusiaanni erserpoq.

Qaqortumi, Nuummi, Aasianni Ilulissanilu pinerluuteqarsimasunut inissiisarfiit tamarmik ukiuni kingullerni ulikkaaqqajuaannartarsimapput,

pinerluuteqarsimasunullu inissiisarfiit ulikkaaqqajuaannarnerat pissutigalugu inissanik amigaateqartarneq ajornartorsiutaasartoq, politiit 2004-imut nalunaarusiaanni allaqqavoq. Ilulissani pinerluuteqarsimasunut inissiisarfik aamma ulikkaaqqajuaannartarmat tigummineqarsinnaasut sinnernaveersaarneqartartut, Ilulissani pinerluuteqarsimasunut inissiisarfimmi pisortaq, Jan Jacobsen oqarpoq.

- Tassa Ilulissani anstaltimi inissat 19-iupput, taasumalu saniatigut inissat ullukkut arfineq pingasuniit unnukkut arfineqpingasut tungaanut tigusarpagut. Isumannaallisaanissaq pillugu inissat 19-usut qaangernaveersaartarpagut

Ilulissani pinerluuteqarsimasunut inissiisarfik 2002-mi apriilimi ansataltinngortinneqarmalli maannamut 137-t inissiisarfimmiitinneqarsimapput. Pinerluuteqarsimallutik inissiisarfimmiittussatut maannamut 141-t utaqqisuniipput, utaqqisarnerlu qaammatini 16-ini sivisussuseqarsinnaasarluni.

Pinerluuteqarsimasunut inissiisarfiit 2002-mi 2003-milu allilerneqaraluartut utaqqisut ikilisimanngitsut nalunaarusiami allaqqavoq.

- Tassa assigiinngittut tigummineqartarput, pinerluutit assigiinngillat, tassa ullut 30-ningaanniit ukiut arlallit inissisimasarput.

Ilulissani pinerluuteqarsimasunut inissiisarfimmi pisortaq, Jan Jacobsen Bikki Petersen-mit apersorneqarluni taama oqarpoq.

Pinerluuteqarsimasunut inissiisarfimmiittussaagaluit utaqqinerminni angalaarsinnaasarput, pineqaatissinneqarsimasullu sakkortuumik pinerluuteqarsimasuusarput ilaatigut kinguaassiutitigut atornerluisuusarsimallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat