Assi: Anstalten ved Herstedvester

Pineqaatissinneqarsimasut nuuttut peqqissimisinnaasariaqartut

Kalaallit immikkut paarisassanngortitaallutik pineqaatissinneqarsimasut Nuummi pineqaatissinneqarsimasunut inissiisarfissaannut nuukkunik peqqissimiffissaqartinneqartariaqarput. Kalaallit Nunaanni Inuit pisinnaatitaaffii pillugit isumalioqatigiisitaq taama siunnersuuteqarpoq.

Danmarkimi Herstedvesterip parnaarussivianiit kalaallit immikkut paarisassanngortitaallutik pineqaatissinneqarsimasut Nuummi pineqaatissinneqarsimasut inissiisarfissaannut nuunniarlutik akuersigunik nuunnertik peqqissimissutigisinnaasariaqarpaat.

Kalaallit Nunaanni Inuit pisinnaatitaaffii pillugit isumalioqatigiisitami ilaasortaq Annemette Nyborg Lauritsen taama oqarpoq.

- Arlallit ukiorpassuarni maaniissimanngillat, inuiaqatigiillu allannguuteqarsimapput. Inoqatinut attaveqariaaseq allanngorsimavoq. Imaassinnaavorlu takorloorsinnaanngikkaat sumut angerlarnerlutik.

AAMMA ATUARUK Hedstedvesterimut aallartitsisarunnaassapput

Parnaarussivimmi Herstedvesterimi maannakkorpiaq kalaallit 25-it inissinneqarsimapput, ilaallu ukiut qulit tyvillu sinnerlugit tassaneereersimallutik.

Isumalioqatigiisitaq naapertorlugu inuit piginnaatitaaffiinik unioqqutitsineruvoq kalaallit pineqaatissinneqarsimasut nunami allami pillaatisiatik atorpatigit.

- Oqartoqarsinnaavoq taamanikkut Danmarkimut nuutsinneqaramik inuttut piginnaatitaaffii kipineqartut. Naapertuilluanngitsuliornertut oqaatigineqarsinnaavoq ilaqutaanniit nunaanniillu nuutsinneqarput. Taama pisoqaqqissanngilaq.

AAMMA ATUARUK Søren Pind: Kalaallit parnaarussat Danmarkimiiginnarsinnaassapput

Utimut nuutsinnerini taama pisoqaqqissanngilaq. Taamaattumik Kalaallit Nunaannut nooqataarusuttut ukiup affaaniit ukiup ataatsip tungaanut Nuummi pineqaatissinneqarsimasut inissiisarfiat misileqqaarsinnaasariaqarpaat.

- Aamma isumaqarpugut naleqqutiinnassasoq -   naapertuilluanngitsuliorneq uteqqissanngikkutsigu - eqqarsarfissaqartittariaqarpavut maluginiartillugu: "Maaniinnera iluarusuutigisinnaavara?" isumalioqatigiissitameersoq Annemette Lauritsen oqarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl