Pineqaatissinneqarsimasut marluk tigusarineqarput - nalunaaquttap akunneri marluk qaangiuttullu

Nutartigaq: Angutit inuusuttut sisamat Pineqaatissinneqarsimasunut Inissiisarfimmit igalaakkut qimaasut Nuummi politiinit ujaarineqarput.
Allattoq Louise M. Kleemann
juunip 24-at 2010 14:21

Ujaarineqartut tassaapput 18-inik ukiulik Rinki Absalonsen, 19-inik ukiulik Malik Tittussen, 18-inik ukiulik Jakob Karlsen aamma 18-inik ukiulik Mala-Tuuma Berthels.

Pineqaatissinneqarsimasunut Inissiisarfimmit qimaaneq nalunaaqutaq 15:10 politiinut nalunaarutigineqarpoq.

Angutit pineqartut ullup ingerlanerani Pineqaatissinneqarsimasunut inissiisarfimmut utinngippata, assigi tusagassiorfinnut nassiunneqassasut politiit ilisimatitsissutigaat.

Qimaasut pillugit arlaannik ilisimannittut sumiiffiannilluunniit nalunnginnittut Nuummi politiinut saaffiginneqquneqarput oqarasuaat 32 14 48.

Nuummi Politiit Radioaviiseqarnitta nalaani nalunaarutigaat Mala-Tuuma Berthels aamma Jakob Karlsen tigusarineqartut Pineqaatissinneqarsimasunullu Inissiisarfimmut utereersut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq