Pineqaatissinneqarsimasut inissinneqartarfiannit qimaasup aappaa tigusarineqarpoq
Nuummi pineqaatissinneqarsimasut inissinneqartarfiannit ippassaq qimaasut marluusut aappaa Nuummi politiinit unnummut tigusarineqarpoq.
Allattoq Mads Lynge
decembarip 30-at 2009 18:19
Qimaasut marluupput, 22-nik ukiulik Kjeld Petersen kiisalu 28-nik ukiulik Claus Godtfredsen.
Kingulliup sumiissinnaaneranik pillugu politiinut unnummut arfineq-marlunut tanneq qulingiluanngortoq nalunaarutiginnittoqarmat politiit ornigupput, Claus Godtfredsenilu pineqaatissinneqarsimasut inissinneqartarfiannut utertinneqarpoq.
Qimaasoqarneranut atatillugu politiit maanna misissuissapput. Qimaasunik isersimatitsisoqarsimanersoq paasiniaasoqassaaq, taamaattoqarsimappallu pineqaatissiisoqarsinnaassaaq. Poul Petersen, Nuup politiivineersoq taama nalunaaruteqarpoq.
Nuummi politiit oqarasuaataata normoraa 32 14 48.
