Dida P. Jensen pineqaatissinneqarsimasunut inissiisarfimmi Nuummiittumi sisamanngormat siullermeerluni yogarnermik ilitsersuivoq, tamannalu iluatsilluarsimavoq.Assi: Dida Pipaluk Jensen

Pineqaatissinneqarsimasunut inissiisarfittaamiittunik yogartoqartalertoq

Nuummi pineqaatissinneqarsimasunut inissiisarfimmiittut sisamanngornerit tamaasa akunnermik ataatsimik sivisutigisumik yogartitaanerminni Namastemik oqartassapput.

Yogarnermik ilitsersuisartup Dida P. Jensenip yogarnermik nalinginaasumik ilitsersuisarnerminit allaanerusunik ilinniartitsisalernissaminik periarfissinneqarami akunnatuunganngilaq.

- Pinerluuteqarsimasunut inissiisarfimmi Nuummiittumi sammisassaqartitsinermik siunnersortit yogarnermik ilitsersuinissamik soqutigininnersunga paasiniaaffigaannga, Dida P. Jensen oqarpoq.

Inissiisarfimmiittut eqqissisimanerulissutigissagaat neriuutigigaa

Yogarnermik ilitsersuisartormi isumaqarpoq suliniutigineqartoq ajunngilluinnartuusoq. Nammineq isummani naapertorlugu, yogarluni nammineq timip malusinnaeranut imminullu malugisinnaanermut taavalu imminut nassaareqqinnissamut periusiusoq, yogarnerlu pineqaatissinneqarsimasunut inissiisarfimmiittut iluaqutigalugulu nuannaarutigiumaaraat taanna neriuppoq.

- Mediterertitsisarpugut eqqarsaatit qasukkartinneqarsinnaagamik neriuutigaaralu eqqissisimanerulerumaartut atorsinnaasaannillu iluaqusersinnaallugit, Dida P. Jensen oqarpoq.

Dida P. Jensen pineqaatissinneqarsimasunut inissiisarfimmi Nuummiittumi sisamanngormat siullermeerluni yogarnermik ilitsersuivoq, tamannalu iluatsilluarsimavoq.

- Iluatsilluarpoq. Inissiisarfimmiittunit inissiisarfimmilu aqutsisunit nuannarinnillutik unnersiortunik nalunaarfigineqarpunga.

Sisamanngornerit tamaasa yogartitsisarnerit juullip tungaanut ingerlanneqassapput, inissiisarfimmi soqutiginnittut naammassappata.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat