Pineqaatissinneqarsimasunut inissiisarfimmiit qimaasoq ujaarineqareerluni tigusaasoq

Angut pineqaatissinneqarsimasunut Ilulissani inissiisarfimmiit qimaasoq sapaatit akunnerata siulianili ujaarineqareerluni nassaarineqarpoq.
Angut 42-nik ukiulik ujaarineqareerluni nassaarineqarmat pineqaatinneqarsimasunut inissiisarfimmeeqqilerpoq. Assi © : KNR
Allattoq Teitur Larsen
februaarip 08-at 2023 14:51
Nutserisoq Hanne Petersen

Angut 42-nik ukiulik sapaatit akunnerata siulianili ujaarineqareerluni pineqaatissinneqarsimasunut Ilulissani inissiisarfimmeeqqilerpoq. 

Kalaallit Nunaanni Politiit KNR-imut taama ilisimatitsipput.

Angut qimaasoq Ilulissani pingasunngormalli ujaarineqareerluni nassaarineqarpoq. Ilulissani politiit biilinik illoqarfimmi angalaarlutik illunullu kasuttoqattaarlutik angut taanna ujaaraat.

Angut taanna avatangiisiminut ulorianarsinnaammat inuit takugunikku attaveqarfiginiarsarissanngikkaat, Ilulissani politiit sapaatit akunnerata siuliani kaammattuutigaat.