Pinaveersaartitsinermut siunnersorti: Meeqqanik kaattoqarpoq
- Naalakkersuisunut ilaasortap, Atassummeersup, Finn Karlsenip, meeqqanik kaattoqannginneragaanera eqqunngilaq. Taama oqarpoq Ilulissani pinaveersaartitsinermut siunnersorti, Helga Nielsen.
apriilip 28-at 2009 12:33
Kalaallit Nunaata ajornartorsiuteqarnera, Finn Karlsenip qanittukkut ilumuunnginnerarpaa.
- Kalaallit Nunaanni meeqqanik kaattoqanngilluinnarpoq, naamerluinnaq, Naalakkersuisunut ilaasortaq, Finn Karlsen, Qanoruumut sapaatip akunnerata siuliani taama oqarpoq.
Pinaveersaartitsinermulli siunnersortip, Helga Nielsenip, misissuereerluni tamanna ilumuunnginnerarpaa.
- Meeqqanik ikiortariqartunik peqarpoq. Illoqarfimmi nunaqarfinnilu arlaleriarluta misissuinitsinni paasivarput, meeqqanik ilumut kaattoqartartoq. Ilaqutariit arlallit nerisassarsiniarsinnaanissammata allagartanik nerisassarsiniutissaannik tunisariaqartarsimavavut, Helga Nielsen oqarpoq.
