Pinartumik pisoqartillugu normo 112 asuli sianerfigineqartarpoq

Pinartumik pisoqarsimatillugu normu sianerfigineqarsinnaasoq, Alarm 112, 29.000-eriarluni siorna sianerfigineqarsimavoq.

Sianernerit 2100-t missaanniittut pinartumik pisoqarsimatillugu sianernerusimapput, sinnerilu, tassa 27.000-it missaat, TELE-p Atuisunut Sullissivianut paasiniaanerusimallutik, allamulluunniit tunngasuusimallutik.

Pinartumik pisoqarsimatillugu normup sianerfigineqarsinnaasup asuli atorneqannginnissaa, TELE Greenlandip paasisitsiniaanermut pisortaata Malînánguak’ Marcussen Mølgaardip kissaatigigaluarpaa.

Kissaatiginaqaaq asuli pinnguaanngimmat unalu ulloq unnuarlu sulisoqarluni arlaannik pisoqariataarnissaanik piareersimasunik, taamaattumik asuli atoqqunanngeqaaq, pinartoqavissumik pisoqartillugu aatsaat atoqqunaaqaaq. Maliinannguaq Marcussen Mølgård-ip ilanngullugu oqaatigaa, oqaarasuaatinik 112-imut sianertoqarsinnaanngitsoq, tamannali naalakkersuinikkut aalajangerneqartussaassasoq. Oqarasuaatit angallattakkanit 112-imut sianerneq nunarsuarmi tamarmi peqqussutit aallaavigalugit mobil-init sianertoqarsinnaasussaammat.

TELE Greenlandimi paasisitsiniaanermut pisortaq Malînánguak’ Marcussen Mølgaard oqarpoq.

TELE-p Atuisunut normua tassaavoq 80 80 80.