Pilliutigineqartutut misigisimapput

Namminersornerunissami nunaqarfimmiut pilliuteqaraluttuinnartutut misigisimapput.
Allattoq Mads Lynge
januaarip 03-at 2008 15:29

Naalakkersuisut siulittaasuaata Hans Enoksenip, ukiortaami oqaaseqarnermini oqaatigaa, namminersorneq pillugu novembarip 25-ani 2008 taasisoqassasoq.

KANUNUPE-mi Kalaallit Nunaanni Nunaqarfiit Peqatigiiffianni siulittaasup Jens Meeraq Lyberth, Kangaamiuneersup tamanna qisuariarfigalugu ilaatigut oqarpoq:

- Malunnartarpoq namminersulernissaq pillugu pilliuteqaraluttuinnartugut assersuutigalugu aningaaseriveqarnikkut. Aningaasanik ataasiarluta tigusiniarutta massakkut 10 koruuneeqqaartariaqarpugut.

Aamma naalakkersuinikkut aalajangertoqaraangat nunaqarfinni ajorseriaatinik pisoqartartoq Jens Meeraq Lyberth isumaqarpoq:

- Nunaqarfinni peqqinnissakkut sullinneqarneq ajorseriartoq tutsiuttoqartuaannarpoq eqqartorneqartarlunilu.

Namminersulernissarli KANUNUPE-mit suleqataaffigerisunneqarpoq, nunaqarfinni pissutsinik ajorseriarnermik kinguneqassanngippat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq