Pillaatissaq nalilerniarneqarpoq

Arnamik pakistanimiumik, Ghazala Khanimik, Slagelsemi qimuttuitsut unittarfiata silataani siorna septemberimi toqutsisutut ippassaq pisuutinneqartunut qulingiluanut ullumi ulloq tassaavoq aalajangiiffiusussaq pingaartoq.

Pillaatissap nalilerniarneqarnera eqqartuussivissuarmi Østre Landsretimi ullaaq manna eqqartorneqalerpoq, unnerluussisullu piumasaraa Ghazala Khanimik toqutsisutut pisuutinneqartut arfinillit inuunertik naallugu parnaarussaanissaat.

Ilaqutariittut ataqqinassuseq pigiinnarniarlugu toqutsinermi, toqutsisoq kisiat pinnagu, aammali ilaqutaasut ilaasa peqataasimasut pisuutinneqarnerat, Europap Killiup oqaluttuarisaanerani aatsaavissuaq pivoq.

Ilimagineqarpoq, pisuutinneqartunit qulingiluanit arfineq-pingasut sivikinnerpaamik ukiuni tallimani parnaarussassanngortinneqassasut. Ataatsip sivikinnerusumik parnaarussassanngortinneqarnissaa ilimagineqarsinnaavoq.

Pillaatissap nalilerniarneqarnera ullumikkut naammassissangatinneqarpoq.