ASSIT Pilersuisup silataani nannuttut
Nanoq anginngitsoq Pilersuisup Savissivimmi pisiniarfiata silataani februaarip pingajuani pisarineqarpoq. KNI Facebookimi taama ilisimatitsivoq.
Allattoq Kenneth Elkjær
februaarip 08-at 2017 10:40
Nutserisoq Simon Uldum -
Savissivimmi niuertoq Helene Ivik Eliassen KNI-p Facebookimi quppernerani oqaluttuarpoq angerlamut ulloqeqqasioriartortilluni nanoq nunaqarfimmut appakaattoq Pilersuisullu tungaanut sukkasuumik pangalittoq takusimallugu.
Nanoq arlalinnit aamma takuneqarpoq piniartullu ilaata Markus Hansenip takkukkami nanoq pisarisimavaa.
- Ulloq taanna ullup sinnera sajukkunnaarneq sapileraluarpugut. Qujanartumik ajornerusumik pisoqanngilaq. Suna tamarmi qaangiummat meeqqat atuartut alapernaallutik aamma takusaajartorput, Helene Ivik Eliassen taama oqaluttuarpoq.
Niuertup aamma oqaatigaa nanoq anginngitsuusoq orsoqarpiaranilu.