Pilersuisoq nutaamik pisortartaartoq
KNI A/S-imi pisiniarfinnik ingerlatsivik Pilersuisoq nutaamik pisortartaarpoq. Pilersuisoq 66-nik pisiniarfiuteqarpoq nunalu tamakkerlugu 600-nik sulisoqarluni.
![](/sites/default/files/styles/image_934x467/public/article_images/pilersuisoq_butik_foto_pilersuisoq_630_0_0.jpg?itok=-ek4IA-T)
Allattoq Karsten Sommer
Nutserisoq Erna Lynge
Pisortaq nutaaq 50-inik ukioqartoq, Pilersuisumi septembarilli qeqqani pisortaagallartutut atorfeqarsimavoq, taamani pisortaasoq Frederik Olsen taamaatimmat.
Finn Fabricius ukiut kingulliit Pilersuisumi tuniniaanermi pisortaasimavoq, tamannalu sioqqullugu Pisiffinni Maniitsumi, Qaqortumi, Nuummi Sisimiunilu pisortaasarsimalluni.
Pisortartaaq ukiut kingulliit 22-it Nunatsinni najugaqarsimavoq, niuvertarfeqarnerup iluani ukiuni 26-ini misilittagaqarluni.
KNI A/S-imi pisortaanerup Peter Grønvold Samuelsenip uparuarpaa nuannaarutigalugu Finn Fabriciusip sulisunik kajumilersitsillunilu ataatsimoortitsisinnaanera, Nunatsinnilu kultoorimik paasinnillunilu ataqqinninnera.