Royal Arctic Linemi sulisut nualluummik tunillaneqarsimappata iliuusissamik aamma aalajangiisoqarsimavoq, sulisut angerlarsimaannartussanngortinneqaraluarpata iliuusissamik pilersitsisoqarnikuulluni.Assi: KNR/Anton Gundersen Lihn

Pilersuinermik ingerlatseqatigiiffiit pilersuisoqarsinnaanissaa neriorsuutigigaat

Royal Arctic Line Nukissiorfiillu coronavirusi nunatsinnut anngutissagaluarpat pilersuinerup qulakkeerneqarsimanissaa siunertaalluni upalungaarsimanermut pilersaaruteqarput.

Imermik, innaallagissamik pilersuisoqarsinnaanissaa, nioqqutissanillu nunatsinnut nunatsinniillu pilersuisoqarsinnaanissaa suli naatsorsuutigisinnaavarput. Nukissiorfiit Royal Arctic Linelu taama neriorsuipput.

Qanoq iliornissamik piareersaatit, upalungaarsimanermullu pilersaarutit aalajangiiffigineqareersut, ingerlatsiviit marluk taakku ilisimatitsissutigaat, coronavirusi nunatsinnut anngutissagaluarpat pilersuinerup qulakkeerneqarsimanissaa siunertaalluni, aamma suliffeqarfimmi sulisut arlaat coronavirusumik tunillanneqarsimagaluarpalluunniit.

Nukissiorfiit aalaakkaasumik pilersuisoqarumaarnera neriorsuutigigaat

Innaallagissamik imermillu aalaakkaasumik pilersuisoqarumaarnera Nukissiorfiit neriorsuutigaat. Nukissiorfinni pisortaanerugallartoq Claus Andersn-Aagaard taama oqarpoq.

AAMMA ATUARUK Coronavirusip tuniluunnera Issittumi inuiaqatigiinnut ikittunut siooranaqisoq

- Upalungaarsimanermut pilersaarusiamik ineriartortitsivugut, sulisut COVID-19-imik eqqorneqarsimagaluarpata iliuusissanik pilersitsilluta. Tunillatsittoqarsimappat pilersuinerup aalaakkaasuunissaa neriorsuutigaarput, taana oqarpoq.

RAL sulisut tamarmik angerlarsimaannartussanngortinneqaraluarpata pilersuiinnassasoq

Royal Arctic Linemi sulisut nualluummik tunillaneqarsimappata iliuusissamik aamma aalajangiisoqarsimavoq, sulisut angerlarsimaannartussanngortinneqaraluarpata iliuusissamik pilersitsisoqarnikuulluni.

AAMMA ATUARUK Nakorsaaneq corona pillugu: Peruluttut amerlavallaalissappata unammillernassaaq

- Tuniluuttoqaratarsinnaaneranut nunatsinniillu nunatsinnut pilersuinerup qulakkeernissaanut piareersarsimalluarluta maannamut misigisimavugut, aamma sapaatit akunnerini aggersuni pisut ingasannerulissagaluarpata, Royal Arctic Line tusagassiutinut taama allaaserisaqarpoq.

Sulisut nualluutip tuniluutilertorsinnaaneranut paasitinneqarput, tunillannartuiaatillu tamani tamaani ikkussorneqarlutik. Pilersuinermullu pingaarutillit qulakkeerniarlugit angalanerit pisariaqavinngitsut Nukissiorfiit taamaatiinnarpaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat