Pilersitsineq ilinniartitsissutaalissasoq

Nunatsinni ilinniarfinni ilinniartitsisut pilersitsinermik nutaaliornermillu atuartitsisalernissamut ilinniassapput.

Ilaasa nalunngereerpaat, allalli ilinniarsinnaavaat, nunatsinni amerlanerpaat pilersitsineq ajorput.

Tamanna Pilersitsinermut aningaasaateqarfiup ilinniarfinni iliuuseqarfiginiarpaa, ilinniartitsisullu aallarniissutigineqassapput.

AAMMA ATUARUK Aallarnisaasut peqatigiiffiannik nutaamik pilersitsisoqartoq

Pilersitsinermut aningaasaateqarfiup siulersuisortaani aggustip 28-anni saqqummiuppai, taakkulu sulinissaminnut piareerluavissut siulersuisuni ilaasortaalersut ilaata, ilinniartitsisullu peqatigiiffianni Imak-imi siulittaasup Birthe Møller Therkildsenip oqaatigaa.

- Ilinniartitsisut pikkorissartineranni fagip qanoq atuartitsissutigineqarsinaanera aallartisarpoq. Soqutiginittut sapaatit akunnerata tulliani pikorissassapput. 

Meeqqat atuarfiini ilinniartitsisut pilersitsinermik kisimik ilinniartitsissanngitsut, Aningaasaateqarfimmi pisortap, Christian Vintergaardip oqaatigaa.

- Ilinniartitsisut arlallit pikkorissartissavugut, taamaalillutit pilersitsinermik nutaaliornermillu atuartitsitsinissamut piginnaaneqalerlutik tunngaviusumik atuarfimmi atuakkami, inuusuttunut ilinniarfinni ilinniaqqiffinnilu ilinniartitsinissaq paasisinnaalissavaat, pisortaq oqarpoq, nangillunilu:

AAMMA ATUARUK Nunatta pilersitsisinnaasut amerlanerusut pisariaqartikkai

- Ilinniartunut atuartunullu ilinniarneranni atuartitsissutissat assigiinngitsut suliarussavagut. Aammattaaq meeqqanut inuusuttunullu periarfissiisumik pilersitsinermik misiliinertalinnik qanorlu ittuuneranik takussutissartalinnik assigiinngitsunik suliaqarniarpugut, Christian Vintergaard oqarpoq.

Aningaasaateqarfiup suliaqarnera nunatsinni meeqqanut inuusuttunullu paasisimasaqartitsilersinnaassasoq siulersuisunut ilaasortap, Birthe Møller Therkildsenip neriuutigaa.


- Sunngorusuppat, suna aallukusupaat, suna perusuippaat? Taanna aamma aallaavigineqarsinaavoq, allamminniu, politiit assigsaallu eqqarsaatigissanngikkaani. Silarsuaq ammavoq, suminngaanniilluunniit aallartitsisoqarsinnaavoq, taanna oqarpoq.

AAMMA ATUARUK Kalaallit Torontomi nittarsaassinerat iluatsilluartoq

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat