Sugisaq Pilersaarutit tigussaasut neriuuteqarfigaakka
Tarnimikkut eqqarsartaatsimikkullu nappaateqartut qanigisaasa
peqatigiiffianni "Sugisami" siulittaasoq ataatsimiinnissaq pillugu neriuuteqarluarpoq:
- Neriuutigeqaara ukiorpassuanngortuni a1-ip sanamiittup immikkoortortaqarfiup allinissaanut nutartsernissaalu sulissutiginiarneqartoq, neriuppunga taanna pillugu ersarissunik tusagaqarumaarluta aqagu ataatsimeersuarnermi,
Sugisami siulittaasoq Ezikias Therkildsen taama oqarpoq.
Taassumattaaq tarnimikkut napparsimasut pillugit ammanerusumik saqqummiussisoqarumaartoq neriuutigaa.
- Siunissami politikkikkut suliniuteqarnermi allaffissornikkullu suliniuteqarnermi nunatsinni tarnikkut nappaatillit qanoq sullinneqarumaarnissaannik pilersaaruteqarnersoq tigussaasumik tusarusullugu tassani ataatsimeersuarnermi peqataassaanga neriuuteqarlungalu taamatut ersarsumik aamma pisortaasut oqartussaasut saqqummiussiumaartut,
Sugisami siulittaasoq, Ezikias Therkildsen taama oqarpoq.